Ռուսաստանում երկաթգիծ են պայթեցրել: Նիժնի Տագիլում անհայտ անձինք պայթյուն են
իրականացրել Սան Դոնատո կայարանի մոտ գտնվող երկաթուղային գծերի վրա։ Այս մասին հայտնել են Սվերդլովսկի մարզի հակաահաբեկչական հանձնաժողովի ներկայացուցիչները։
Ռուսական լրատվամիջոցների փոխանցմամբ՝ Սան Դոնատո կայարանի մոտ գտնվող նավթի պահեստից տեղափոխվող ցիստեռնի վրա պայթուցիկ սարք է գործի դրվել։
Դեպքի հետևանքով երկաթուղային վագոններ ռելսերից դուրս չեն եկել, երկաթուղու գծի վնաս չի գրանցվել։ Ներկայում մի շարք միջոցառումներ են ձեռնարկվում միջադեպի գոտում անվտանգությունն ապահովելու համար։
Նրանք հայտնաբերել են վնասված ցիստեռնը և հայտնաբերել ևս մեկ ռումբ մոտակա կոնտեյների վրա:
Դեպքի վայր են մեկնել սակրավորները, տարածքը շրջափակվել է։ Նախնական տեղեկություններով՝ տուժածներ չկան։ Նիժնի Տագիլում տեղի ունեցած պայթյունը 2023 թվականի վերջից ի վեր երրորդ նման դիվերսիան էր ռուսական երկաթուղում։
Отправить ответ