Հազար խնդրեցինք, այսպես մի արեք. ունենք նորից զոհ և վիրավորներ. ինչ է եղել․ ամուր նյարդերով մարդիկ դիտեն

խոշոր ու ողբերգական ավտովթար-վրաերթ է տեղի ունեցել Կոտայքի մարզում: Ժամը 15:20-ի սահմաններում, Ջրվեժ-Աբովյան ավտոճանապարհի 3-րդ կմ հատվածում, բախվել են Mercedes E-220, Mercedes C-180 և Hyundai Sonata մակնիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի տեղում մահացել է, 1 հոգի մարմնական վնասվածքներով տեղափոխվել է «Աբովյան» բժշկական կենտրոն: Դեպքի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի 1-ին և 2-րդ դասակների ծառայողները՝ գումարտակի հրամանատար Արսեն Մարդոյանի, վաշտի հրամանատար Արթուր Պետրոսյանի, 1-ին դասակի հրամանատար Տիգրան Քոթանջյանի և 2-րդ դասակի հրամանատար Սարգիս Բագրատյանի գլխավորությամբ: Ֆոտոլրագրողը հայտնում է, որ ըստ նախնական տեղեկությունների, Hyundai Sonata-ն դեպի Ջրվեժ ընթանալիս, նախ բախվել է Mercedes C-180-ին, ապա դուրս եկել հանդիպակած գոտի, բախվել Mercedes E-220-ին, ապա վրաերթի ենթարկել 2 հոգու և հայտնվել շինության քարե պարսպի մոտ: Վրաերթի ենթարկվածներից մեկը տեղում մահացել է, մեկը՝ տեղափոխվել հիվանդանոց: Վարորդներին և վիրավորներին առաջինը օգնության է հասել այդ պահին նշված վայրով անցնող՝ Հայաստանի քննչական կոմիտեի Կոտայքի մարզային քննչական

վարչության Աբովյանի քննչական բաժնի հատկապես կարևոր գործերով ավագ քննիչ Գրիգոր Դալլաքյանը, ում ճիշտ և առաջին անհրաժեշտության բուժօգնություն ցուցաբերելու շնորհիվ հնարավոր է եղել փրկել վիրավորի կյանքը: Օպերատիվորեն ժամանել են Արտակարգ իրավիճակների նախարարության Փրկարար ծառայության հատուկ նշանակության փրկարարական աշխատանքների իրականացման կենտրոնի թիվ 18 փրկարարական ջոկատի փրկարարները, ովքեր հոսանքազրկել են ավտոմեքենանրը, փակել գազաբալոններն ու սահմանազատել տարածքը: Ֆոտոլրագրողը հայտնում է, որ իրավիճակն այնքան լարված էր, որ ոստիկանները չէին կարողանում հանդարտեցնել կրքերը, իսկ Hyundai Sonata-ի վարորդը դեպքի վայրից հեռացել է: Դեպքի վայրում հավաքվածները նշում էին, որ մահացածը Բյուրեղավան գյուղի բնակիչ էր, ով մեծ հարգանք ու հեղինակություն էր վայելում ոչ միայն Կոտայքի մարզում, այլև՝ Հանրապետությունում, ով բազմաթիվ անգամներ օգնության ձեռք է մեկնել սոցիալապես անապահով ընտանիքներին, մեծ մասնակցություն է ունեցել Ապրիլյան քառօրյա և Արցախյան 44-օրյա պատերազմների ժամանակ՝ լինելով ոչ միայն առաջնագծում, այլ նաև միշտ օգնություն է ուղարկել առաջնագծում կանգնած զինվորներին: Մահացածը և վիրավորը թաղման արարողությունից էին վերադառնում: Օպերատիվորեն ժամանել են նաև ոստիկանության Կոտայքի բաժնի և ոստիկանության Գառնիի բաժանմունքի ծառայողները՝ բաժնի պետի և բաժանմունքի պետի գլխավորությամբ: Դեպքի մասի ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը՝ բաժնի պետ Գառնիկ Մաթևոսյանի և հատկապես կարևոր գործերով ավագ քննիչ Գրիգոր Դալլաքյանի գլխավորությամբ: Դեպքի առթիվ քննչական բաժնում նախաձեռնվել է քրեական վարույթ: Դեպքի վայր են ժամանել նաև Կոտայքի մարզի դատախազներ Պետրոս Պետրոսյանն ու Արթուր Մելիքյանը: Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը: